Exposición Permanente

Postmesozoicu

Nella tán representaos dellos acontecimientos que tuvieron llugar nos postreros 65 millones d´años, dende la desapaición de gran parte de los dinosaurios hasta los nuestros díes.

Nel Terciariu, el predominiu de los reptiles dexó pasu al de los mamíferos, que van constituyir los ancestros de les modernes faunes. A esti períodu pertenez el xacimientu de Llamaquique, n´Uviéu, col Cantabrotherium truyolsi como representante principal. Una pantalla táctil permite al visitante recrear el paisaxe y los ecosistemes a lo llargo de distintes etapes d´estos postreros 65 millones d´años.

N´otru de los espacios de la sala, dedicáu al Cuaternariu, espónse un dibuxu cola reconstrucción d´un home d´Atapuerca (Burgos) al qu´acompaña la réplica del craniu .u 5 del mentáu xacimientu, con una edá al rodiu de los 300.000 años. Amás, inclúise un panel nel que se representa´l progresivu amenorgamientu del hábitat del osu pardu nel norte de la Península Ibérica nos postreros 500 años. Nesti llugar figura, tamién, un exemplar d´un craniu d´osu de les cavernes.

 

smpostmeso

 

Comparte:       pdf Imprimir Enviar