Área de servicios

Xardín y Zona de xuegos

El xardín ocupa más de 7.000 metros cuadraos nos que conviven más de 6.000 plantes de 15 especies distintes que formen, al tiempu, impresionantes buelgues de dinosauriu que-y dan un matiz xurásicu. El xardín permite amás dar un auténticu paséu ente dinosaurios, porque nél atópense les reproducciones de cuatro especies de dinosaurios qu´habitaron la costa oriental asturiana: un Allosaurus, un Dacentrurus, un Camptosaurus y un Diplodocus, yá conocíu popularmente como “Manín”.

Nel xardín instaláronse apocayá tres répliques de dos de los xacimientos d´icnites más significativos de la costa xurásica asturiana: el de la Playa de la Griega y el cantil de Tereñes. Estes répliques tán acompañaes por meses d´interpretación, que tamién tán en braille, coles mires d´averar la riqueza paleontolóxica a tolos públicos, incluyíes aquelles persones con discapacidaes físiques o con movilidá amenorgada que nun podríen llegar a los cantiles onde s´alcuentren les icnites.

Los más pequenos tienen amás otru aliciente na redolada del MUJA: un parque infantil con columpios, toboganes y xuegos personalizaos, colos dinosaurios como protagonistes.



Volver a Área de Servicios

Comparte:       pdf Imprimir Enviar