AXENDA

Jornadas de puertas abiertas jurásicas navideñas

16 y 17 de diciembre de 2017

(Más Info)


Huevos de dinosaurio

Del 6 al 10 de diciembre, 11:30, 13:30, 16:30 y 18:00 h.

(Más Info)


Visita-taller Paleontólogo por un día

Octubre, noviembre y diciembre de 2017, fines de semana y festivos, 12:30 y 17:30 h.

(Más Info)


Consultar toda la Agenda

La Costa de los Dinosaurios

Playa de Ribadesella

L’itinerariu empieza nel paséu del estremu oeste de la playa de Santa Marina, onde hai puestu un panel esplicativu. Mirando pal sur acolúmbrense unos calizos cardosos del Carboníferu que destaquen nel relieve formando una paré vertical. Esta postrera coincide con una resquiebra importante, llamada Falla de Ribeseya, que traviesa’l cascu urbanu de la población y val de frontera cola peña xurásico que s’esparde dende equí hasta los cantiles costeros.

playa-ribadesella-horizonta

 

A lo llargo’l paséu atópase una alternancia rítmica de capes delgaes de calizu y marga cardoso escuro con munchos fósiles (Formación Rodiles) que s’axuntaron nun mar abiertu y someru que cubrió toa Asturies naquella dómina.

Esta serie caliar queda atayada pola presencia de les primeres capes de conglomeráu, arenisca y lutita acolorazao d’orixe fluvial (Formación Vega), onde que s’entrecalen dellos niveles de paleosuelu caliar (caliches) con marques de raigaños característicos d’un clima con della aridez, amás d’otros de marga y calizu cardoso d’orixe lacustre.

playa-de-ribadesella

 

El contactu claru y erosivu ente esta socesión caliar marina y la continental superpuesta representó un llevantamientu del fondu marín que quedó asomando por causa d’esfuercios tectónicos, dando pie a una falta de sedimentación y erosión que se conoz col nome de llaguna estratigráfica.

A la fin del paséu atopamos otra alternancia de marga y calizu cardoso con dalguna intercalación d’arenisca escontra la parte fondera (Formación Tereñes) que representó nel so momentu una zona costera baxa y bien rica en basa.

Esta socesión, que s’allarga depués pel cantil escontra l’oeste, amuesa dellos niveles ricos en bivalvos bien pequeños (lumaqueles), amás de resquiebres de desecación y icnites frecuentes de dinosaurios. Estes postreres apaecen na superficie de los estratos como depresiones de contorna ovalada (dinosaurios cuadrúpedos) o bien de traza tridáctila (dinosaurios bípedos).

Na mesma baxada al cantil dende’l mirador del final del paséu, puen vese yá dalgunes d’estes pisaes. A partir d’equí y siguiendo unos 150 m escontra l’oeste, atópase una llabanona de calizu arenoso entornada escontra la mar unos 80o qu’amuesa ondulaciones difuses pola mor del folaxe de la dómina. Enriba d’ella, estrémense dellos rastros de dinosaurios cuadrúpedos y delles pisaes de terópodos.

 

Comparte:       pdf Imprimir Enviar