Asitiáu nel esterior del muséu, baxo´l mirador, nun magníficu edificiu de vistes espectaculares sobre´l mar y la costa onde los dinosaurios dexaron les sos buelgues.
El café del MUJA ufierta esquisites propuestes, como los almuerzos y meriendes con dinosaurios o los cumpleaños xurásicos, especialmente pensaos pa grupos infantiles, qu´inclúin merienda, animación, visita al Muséu, taller didácticu y regalos.
Tamién esiste la posibilidá d´arrendar el café pa realizar cenes de gala, cocktails o espiches d´autor.
Horarios:
- Febreru, payares y avientu: sábados, domingos y festivos d′apertura, de 10:30 a 18:00 hores.
- Marzu, abril, mayu, xunu y del 1 al 18 d'ochobre: de miércoles a vienres, de 10:00 a 17:00 hores; sábados, domingos y festivos d′apertura, de 10:30 a 18:30 hores.
- Xunetu y agostu: tolos díes, de 11:00 a 20:00 hores.
- Setiembre: de miércoles a vienres, de 10:00 a 18:00 hores; sábados y domingos, de 10:30 a 18:30 hores.
- A partir del 19 d'ochobre: sábados, domingos y festivos d′apertura, de 10:30 a 18:30 hores.
El Café del MUJA nun cierra al mediudía.