DESCARGAR PROGRAMA ESCOLAR 2026-2027
Xornada de Puertes Abiertes pa profesoráu y los/les monitores de centros educativos
22 de ochobre del 2026 y 11 de marzu del 2027, a les 15:30 hores.
Proponemos esta visita de toma de contactu pa conocer tolos espacios del Muséu, amás del material didáctico de lo que dispón o los temes pa tratar na visita.
Cómo participar: esta actividá ye gratuita y precisa acutase primero al traviés del corréu reservas@turismoycultura.asturias.es.
Tipos de visita
- Grupos hasta 50 persones. Pueden atendese namás dos grupos de manera simultánea.
- La visita guiada pue facese los xueves y vienres n’inglés, nivel B1, ensin costu adicional.
- Ponemos a la vuestra disposición una audioguía (1,76* €) pa públicu mozo y adulto o una visita autoguiada (2* €) pa públicu infantil n’español, asturianu, inglés, francés, portugués, italianu y alemán. Trátase d’una APP pa descargar nel móvil al traviés de Google Play o tienda IOS buscando “audioguía MUXA”. El códigu d’activación ha pidise na Recepción.
Visita guiada
Col "tiempu" como filo conductor, nesta visita guiada adaptada a tolos públicos (una hora de duración) va facese un percorríu pela evolución de la vida na Tierra de magar empezó hasta la llegada del ser humanu, poniendo procuru especial nel Mesozoicu o Era de los Dinosaurios y nos sos trés periodos: Triásicu, Xurásicu y Cretácicu.
Preciu: 4,75 €*/participante, sacante los miércoles, que l’accesu ye de baldre, y la visita guiada tien un costu de 1,76 €*.
Visita llibre o incluyendo una presentación curtia
El Muséu ta preparáu pa poder facer una visita por llibre, siendo igualmente menester acutar un horariu determináu pa controlar los aforos y nun interferir en grupos con visites guiaes. Siempre que seya posible va facese una presentación curtia al grupu (alredor de 10 minutos).
Preciu: ensin costu adicional al preciu de la entrada (4,75 €/participante, sacante los miércoles, que l’accesu ye gratuitu).
Taller didácticu Escava y descubri
Nesti taller dirixíu al 2.u ciclu d’Educación Infantil y Primaria (4-11 años) vamos escavar y buscar fósiles nunos caxones de sable coles ferramientes y forma de trabayu d’un equipu paleontolóxicu. De siguío y pa comprender el procesu de fosilización, vamos facer el fósil de delles partes del dinosauriu.
Preciu: 5,75 € (incluye la entrada al Muséu).
Disponible n’ochobre, payares, febreru y marzu a les 10:00 y a les 12:00 hores.
Sala inmersiva
Un viaxe al traviés del tiempu pa observar a los dinosaurios y otros reptiles coetáneos qu’habitaron Asturies va 150 millones d’años, al traviés d’una proyección 270º envolvente onde se combina imaxe real de los entornos actuales cola superposición de recreaciones en 3D.
Dirixío a: 2.u ciclu d’Infantil y Primaria (de 4 a 11 años). Va adaptase en conteníu y materiales d’alcuerdu cola edá del alumnáu.
Duración: 75 minutos.
Participantes: máximu de 25. Pue atendese namás a dos grupos de manera simultánea.
Condiciones: disponible xueves y vienres d’ochobre a mayu, a les 10:00 y a les 12:00 hores y a les 15:30 (sacante payares, avientu y febreru). Miércoles, consultar.
Preciu*: 6,25 €/participante (miércoles, 3,76 €).
Completa la to visita al Muséu
Nun marches de Colunga ensin averate a la Playa de la Griega, onde s’atopen dalgunos de los resclavos de dinosauriu más grandes del mundu faciendo un percorríu pequeñu de 1 km (dir y volver).
Acuta tiempu pa disfrutar del Xardín del Muséu, más de 7.000 m² onde vas poder ver más de venti répliques a tamañu real de dinosaurios del Xurásicu y del Cretácicu, amás de vexetación que yá había nel Xurásicu y pieces orixinales rescataes de la costa asturiana.
Da un saltu temporal del Mesozoicu a la Prehistoria visitando’l Centru d’Arte Rupestre Tito Bustillo, que ta asitiáu a menos de media hora del Muséu.
Pa trabayar nel aula
Material didáctico
Les unidades didáctiques MUXA nes aules tán adaptaes a dellos ciclos formativos y disponibles en castellanu, inglés y asturianu.
Otros recursos
Recursos didácticos gratuitos como vídeos, tutoriales, xuegos, etc. n’apartáu Multimedia de la web.
Xestiona la to reserva
Actividaes a midida: si yá nos visitasti y quies facer otra actividá, ponte en contactu col Muséu y, a tenor del númberu de persones del grupu y edá, vamos diseñar l’actividá que más s’afaiga al grupu. Tamién podemos apurrite presupuestu de tresporte dende’l to sitiu d’orixe n’Asturies d’alcuerdu col itinerariu escoyíu.
Reserves: pueden tramitase per delles víes:
- nos teléfonos 902 306 600 - 985 185 860. Nesti teléfonu tamién vamos resolver toles duldes que tengas al pensar na to visita al MUXA.
- a través del mail reservas@turismoycultura.asturias.es enviando formulario de reserva:
SOLICITÚ DE RESERVA CURSO ESCOLAR 2026-2027
Condiciones de visita y forma de pagu
*Tarifes pal añu 2026. Los precios pueden revisase anualmente y sufrir una xuba qu’aveza a ser equivalente a la xuba del IPC.