Nel suétanu del MUJA atópase la sala d´esposiciones temporales, que con un tamañu de 300 metros cuadraos permite variaes posibilidaes de montaxe
Ye una sala con disposición en forma d´anfiteatru y 95 places de capacidá y dotada con medios técnicos (cañón de lluz, pantalla, DVD y ordenador portátil), megafonía y rack pa medios de comunicación. Tienen cabida presentaciones de llibros, conferencies, seminarios y ruedes de prensa, ente más otres.
El MUJA dispón tamién d´una pequena sala na que se celebren xuntes o cursos de formación y que puede ser arrendada pa los citaos fines. Con capacidá máxima pa 20 persones, ta dotada de pizarra, retroproyector, proyector de diapositives, cañón de lluz, portátil y 20 sielles de pala.
El visitante dispón d´una sala na que va poder tomase un respiru lleendo dalgunes de les nuestres publicaciones o consultando información turística de la zona.
Vas poder atopar una gran variedá de productos cola nuestra marca, como son camisetes, pósters, postales, oxetos d´artesanía o material escolar. La tienda cunta tamién con xuegos didácticos, xoyería, répliques de dinosaurios y una amplia sección de llibrería especializada en dinosaurios, xeoloxía y temes asturianos.
Ubicado en el parking del Museo.
Formulario de Contacto